Թուրքիայի մեջլիսում առաջարկ է ներկայացվել նամիբիացիների ցեղասպանությունը ճանաչելու մասին

Քաղաքական10:58, 07 Հունիս 2016

Թուրքիայի մեջլիսում առաջարկ է ներկայացվել նամիբիացիների ցեղասպանությունը ճանաչելու մասին

1900-ականների սկզբին Նամիբիայում Գերմանիայի կողմից իրականացված ջարդերը ցեղասպանություն ճանաչելու համար օրենսդրական առաջարկ է ներկայացվել Թուրքիայի ազգային մեծ ժողով (ԹԱՄԺ):

Թուրքական «Habergazetesi» լրատվական կայքը հայտնում է, որ օրենսդրական առաջարկի հեղինակը իշխող «Արդարություն և զարգացում կուսակցության» (AKP-ԱԶԿ) պատգամավոր Մեթին Քյուլյունքն է: Առաջարկի ընդունման դեպքում Թուրքիան 1900-ականների սկզբին Նամիբիայում գերմանացիների իրականացրած կոտորածը կճանաչի որպես ցեղասպանություն:

«Խորհրդարանին առաջարկում ենք Գերմանիայի կողմից Նամիբիայում իրականացված ցեղասպանության հարցը լքննարկել իագումար նիստում»,- գրել է առաջարկի հեղինակը:

Տեղեկացնենք, որ Գերմանիան 2004 թվականին՝ Նամիբիայում Հերրերո ցեղախմբի դեմ իրականացված ցեղասպանության 100-րդ տարելիցին, ընդունել էր «պատմական և բարոյական պատասխանատվությունը և մեղքը, որ տվյալ ժամանակաշրջանում իրականացրել էին գերմանացիները»:

Նշենք, որ 2016 հունիսի 6-ին Գերմանիայի խորհրդարանը Հայոց ցեղասպանությունը ճանաչող օրինագիծ էր ընդունել:

Աղբյուր` Ermenihaber.am