Իրանը Թուրքիայում գտնվող իր քաղաքացիներին խորհուրդ է տվել զգույշ լինել

Տարածաշրջան10:01, 10 Հունիս 2016

Իրանը Թուրքիայում գտնվող իր քաղաքացիներին խորհուրդ է տվել զգույշ լինել

Օրերս Թուրքիայում տեղի ունեցած հերթական պայթյունների առթիվ Իրանը զգուշության կոչ է արել Թուրքիայում գտնվող իր քաղաքացիներին: Թուրքական «Milliyet» պարբերականի կայքի տեղեկացմամբ՝ Անկարայում Իրանի դեսպանատունը իրանական մամուլում հայտարարություն է տարածել, որով կոչ է արվում Թուրքիա այցելող իրանցիներին՝ հեռու մնալ մարդաշատ վայրերից:

Հայտարարությունում Իրանի քաղաքացիներին նաև խորրհուրդ է տրվում հետևել թուրք պաշտոնյաների անվտանգության հրահանգներին, իսկ խնդիրներ առաջանալու դեպքում՝ դիմել Ստամբուլում, Անկարայում, Էրզրումում և Տրապիզոնում գտնվող Իրանի ներկայացուցչություններ:

Հիշեցնենք, որ հունիսի 7-ին Ստամբուլի Վեզնեջիլեր թաղամասում ոստիկանական մեքենա էր պայթեցվել: Գրանցվել էր 11 զոհ և 36 վիրավոր: Հատկանշական է, որ պայթյունի վայրի մերձակայքում շատ են զբոսաշրջիկների համար նախատեսված հաստատությունները: Հունիսի 8-ին ևս մեկ պայթյուն էր որոտացել Մարդին քաղաքի Միդյաթ շրջանում, գրանցվել էր 1 զոհ և 2 տասնյակից ավելի վիրավորներ:

Աղբյուր` Ermenihaber.am