Նոր մանրամասներ Ստամբուլի օդանավակայանում տեղի ունեցած ահաբեկչությունից (տեսանյութ)

Տարածաշրջան10:03, 29 Հունիս 2016

Նոր մանրամասներ Ստամբուլի օդանավակայանում տեղի ունեցած ահաբեկչությունից (տեսանյութ)

Թուրքական լրատվամիջոցներում նոր մանրամասներ են հայտնվել երեկ երեկոյան Ստամբուլի Աթաթուրքի անվան օդանավակայանում տեղի ունեցած ահաբեկչական հարձակման վերաբերյալ:

Ըստ CNN-ի թուրքական ծառայության` նախ օդանավակայանի միջազգային տերմինալ է մուտք գործել առաջին մահապարտ ահաբեկիչը և իմանալով, որ չի կարող առաջանալ դեպի սրահի կենտրոնական մասը, քանի որ անվտանգության սարքերը կհայտնաբերեն իր վրա առկա զինամթերքը, զենքից կրակահերթ է արձակել:

Ոստիկաններից մեկը կրակել և վիրավորել է ահաբեկչին, սակայն գետնին ընկած ահաբեկիչը կարողացել է գործի դնել իր վրա ամրացված պայթուցիկը:

Օդանավակայանի տեսախցիկները ֆիքսել են այդ դրվագը:

Դրանից անմիջապես հետո սրահ է մտել 2-րդը, որը 1-ին ահաբեկիչից հետո նույնպես պայթեցրել է ինքն իրեն:

3-րդ պայթյունն արդեն որոտացել է տերմինալի մուտքի մոտ, որտեղ շենքից դուրս եկած ժամանողները սպասելիս են եղել իրենց դիմավորող մեքենաներին: Այս դեպքում էլ ահաբեկիչը նախ անկանոն կրակահերթ է արձակել տարածքում գտնվողների ուղղությամբ, ապա պայթեցրել իրեմ ամրացված պայթուցիկ սարքը:

Աղբյուր` Ermenihaber.am