Թուրքիայում 2016թ. հունիսին արտահանման ծավալներն աճել են

Տնտեսական08:09, 02 Հուլիս 2016

Թուրքիայում 2016թ. հունիսին արտահանման ծավալներն աճել են

Թուրքիայի արտահանողների խորհուրդը (TİM) տվյալներ է հրապարակել 2016թ. հունիսին իրականացված արտահանման ծավալների վերաբերյալ: Թուրքական «Milliyet» պարբերականի կայքի հաղորդմամբ՝ Թուրքիայում 2016թ. առաջին կիսամյակի արտահանման ծավալները 2015թ. նույն ժամանակաշրջանի համեմատ նվազել են 3.8 տոկոսով և կազմել են 70 մլրդ 654մլն դոլար:

Իսկ վերջին 12 ամսվա կտրվածքով Թուրքիայում արտահանման ծավալները նվազել են 6.6 տոկոսով (համեմատելով նախորդ 12 ամսվա հետ-խմբ) և կազմել 141 մլրդ 64մլն դոլար:

Նշվում է, սակայն, որ 2016թ. հունիսին իրականացված արտահանման ծավալները 2015 նույն ամսվա համեմատ աճել են 1.8 տոկոսով՝ կազմելով 11 մլրդ 865մլն. դոլար:

2016թ հունիսին արտահանման ծավալները մեծ են եղել հակապես ավտոմեքենաների արդյունաբերության ոլորտում՝ հասնելով 2 մլրդ 131մլն 505 հազար դոլարի: Արտահանման ծավալներով երկրորդ հորիզոնականում տեքստիլ արդյունաբերության սեկտորն է (1 մլրդ 531մլն 503 հազար դոլար): Երրորդ հորիզոնականում քիմիական արդյունաբերությունն է (1 մլրդ 322 մլն 503 հազար դոլար):

Ամենաշատ արտահանումն իրականացվել է դեպի Գերմանիա, ԱՆգլիա, Իտալիա ԱՄՆ և Իրաք;

TİM-ի նախագահ Բույուքէքշին նշել է, որ չնայած համաշխարհային էկոնոմիկայում դրսևորվող տատանումներին, ռուս-թուրքական և թուրք-իսրայելական հարաբերությունների կարգավորման գործընթացը դրական ազդեցություն կունենա արտահանման ծավալների վրա:

Աղբյուր` Ermenihaber.am