Թուրքիա զբոսաշրջիկներ ուղարկելու համար Ռուսաստանը չարթերային թռիչքների խնդիր ունի

Տարածաշրջան07:52, 06 Հուլիս 2016

Թուրքիա զբոսաշրջիկներ ուղարկելու համար Ռուսաստանը չարթերային թռիչքների խնդիր ունի

Ռուս-թուրքական հարաբերությունների կարգավորման գործընթացի մասին հայտարարելուց հետո Թուրքիայում ռուս զբոսաշրջիկների հոսք է ակնկալվում: Թուրքական «Star» լրատվական կայքը հայտնում է, որ որոշ տուրօպերատորներ զբոսաշրջիկների նվազ հետաքրքության պատճառով ցանկանում են Հունաստան և Կիպրոս չարթերային թռիչքները փոխել դեպի Թուրքիա:

Սակայն Ռուսաստանի տրանպորտի փոխնախարար Վալերիի Օկուլովը հայտարարել է. «Այժմ ուղևորափոխադրումների ամենաեռուն շրջանն է: Թուրքիա զբոսաշրջիկ ուղարկելու համար չարթերային թռիչքներում որևէ փոփոխություն անելը հեշտ չի լինելու»:

Նա նաև նշել է, որ այս տարի չարթերայի թռիչքների ուշացումների պատճառով առաջացած բողոքները թուրքական ուղղության ներգրավման պարագայում էլ ավելի կաճեն:

Ըստ փոխնախարարի՝ պահուստային ինքնաթիռները թուրքական ուղղությանը տրամադրելու դեպքում վիճակը ավելի կբարդանա:

Մասնագետները կարծում են, որ եթե միայն ամռան ամիսներին 700 հազար ռուս զբոսաշրջիկ էր իր հանգիստը կազմակերպում Թուրքիայում, ապա չարթերային թռիչքների խնդրի պատճառով այս ամառ նրանց թիվը չի անցնի 350 հազարը:

Աղբյուր` Ermenihaber.am