Չինաստանից Թուրքիա գաղթած ույղուրները ցանկանում են Թուրքիայի քաղաքացիություն ստանալ

Տարածաշրջան06:56, 07 Հուլիս 2016

Չինաստանից Թուրքիա գաղթած ույղուրները ցանկանում են Թուրքիայի քաղաքացիություն ստանալ

Չինաստանի Ժողովրդական Հանրապետության (ՉԺՀ) Սինցզյան-Ույղուրական ինքնավար շրջանից (թուրքական անվանմամբ` Արևելյան Թուրքեստան) Թուրքիա գաղթած 10 հազ ույղուրներ (թյուրքալեզու ժողովուրդ Միջին Ասիայում) ցանկանում են ստանալ Թուրքիայի քաղաքացիություն:

Ինչպես հաղորդում է թուրքական «Turkiyegazetesi» թերթի կայքը, այս հարցը սկսել է ավելի բուռն քննարկվել այն բանից երբ օրեր առաջ Թուրքիայի նախագահ Ռեջեփ Թայիփ Էրդողանը առաջարկեց սիրիացի փախստականներին քաղաքացիություն շնորհել:

Վերոնշյալ պահանջը Էրդողանին և Թուրքիայի կառավարությանը, ներկայացվել է «Արևելյան Թուրքիստանցիների» միության նախագահ և աշխարհի ույղուրների կոնգրեսի փոխնախագահ Սեյիթ Թումթուրքի կողմից:

Միության նախագահը, դժգոհելով ույղուրների նկատմամբ Չինաստանի վարած քաղաքականությունից, ասել է, որ Սինցզյան-Ույղուրական ինքնավար շրջանից Թուրքիա է գնացել մոտ 10.000 ույղուր, սակայն վերջիններիս Թուրքիայի քաղաքացիություն ստանալու, աշխատելու և կացության իրավունք ստանալու հետ կապված հարցերը դեռևս լուծված չեն:

Թամթուրքի խոսքով եթե Չինաստանի կառավարության հետ ույղուրների հարցերը չկարգավորվեն, ապա Չինաստանը կունենա երկրորդ սիրիական ճգնաժամ իր տարածքում: Ըստ նրա` Չինաստանի վարած քաղաքականության հետևանքով ույղուրցիները արտագաղթում են դեպի Թայլանդ, Վիետնամ Կամբոջա:

Թամթուրքը կոչ է արել Թուրքիայի իշխանություններին իրենց միայնակ չթողնելու կոչ է արել:

Աղբյուր` Ermenihaber.am