Թուրք զինվորական տեսուչները Ռուսաստանի օդային տարածքում դիտորդական թռիչքներ կիրականացնեն

Տարածաշրջան08:32, 12 Հուլիս 2016

Թուրք զինվորական տեսուչները Ռուսաստանի օդային տարածքում դիտորդական թռիչքներ կիրականացնեն

Թուրքիայի զինված ուժերի անզեն CN 235 ինքնաթիռը Իտալիայի հետ համատեղ դիտորդական թռիչքներ կիրականացնի Ռուսաստանի օդային տարածքում:

Թուրքական «Sabah» թերթի կայքի տեղեկացմամբ՝ Թուրքիա ԶՈՒ-ն սույն թռիչքների վերաբերյալ հետևյալ հայտարարությունն է արել.

«2016թ. հուլիսի 11-15-ը մեր երկիրը «Բաց երկնքի» պայմանագրի շրջանակներում Իտալիայի հետ համատեղ դիտորդական թռիչք կանցկացնի Ռուսաստանի Դաշնության տարածքում»:

Թուրք և իտալացի զինվորական տեսուչներին թռիչքների ժամանակ կուղեկցեն նաև ռուս պաշտոնյաներ: Թուրք դիտորդների թիմը թռիչքները ավարտելուց և իրենց առաքելությունը կատարելուց հետո հուլիսի 15-ին կվերադառնա Թուրքիա:

Նշենք, որ թուրք և ֆիննացի մասնագետներից կազմված թիմը հունիսի 13-17-ը ընկած ժամանակահատվածում ևս դիտորդական թռիչք էր իրականացրել Ռուսաստանի տարածքում:

Մինչդեռ սույն թվականի փետրվարին Թուրքիան մերժել էր Ռուսաստանի՝ Թուրքիայի օդային տարածքում դիտորդական թռիչքներ կատարելու մասին առաջարկը:

Աղբյուր` Ermenihaber.am