Թուրքիայի փոխվարչապետը Արցախի մշակութային ժառանգությունը համարում է ադրբեջանական

Տարածաշրջան07:11, 15 Հուլիս 2016

Թուրքիայի փոխվարչապետը Արցախի մշակութային ժառանգությունը համարում է ադրբեջանական

Թուրքիայի փոխվարչապետ Նուման Քուրթուլմուշը Քոնիա քաղաքում մասնակցել է «Մշակույթի, զբոսաշրջության և մեդիայի միջազգային համագումարին», որից հետո հանդիպել է օտարերկրյա լրագրողների հետ:

Ըստ թուրքական «Haberler.com» լրատվական կայքի` հանդիպման ժամանակ Քուրթուլմուշը հայտարարել է, որ Արցախի մշակութային ժառանգությունը պատկանում է Ադրբեջանին, և Թուրքիան քայլեր է ձեռնարկում դրանք որպես ադրբեջանական արժեքներ գրանցելու ուղղությամբ:

«Մեր երկիրը և ժողովուրդը չի ընդունում հայկական օկուպացիան և մենք բոլոր հարթակներում հայտարարում ենք, որ Ղարաբաղը Ադրբեջանի մի մասն է»,- հայտարարել է թուրք բարձրաստիճան պաշտոնյան` տուրք տալով ադրբեջանական պաշտոնական թեզերին:

Քուրթուլմուշը, հիշեցնելով, որ Թուրքիան հանդիսանում է Միջազգային մշակութային ժառանգության պահպանության հանձնաժողովի անդամ, նշել է.

«Այս տարի Թուրքիան նախագահում է հանձնաժողովը: Մենք այդ հարթակում միշտ հայտարարում ենք, որ Ղարաբաղի մշակութային ժառանգությունն Ադրբեջանին է պատկանում: Եթե այս համաժողովի աշխատանքների արդյունքում համատեղ հայտարարություն ստորագրվի, ապա մենք ամեն ինչ անելու ենք, որ դրանում նշվի Ղարաբաղի մշակութային ժառանգության՝ Ադրբեջանին պատկանելու փաստը»:

Աղբյուր` Ermenihaber.am