Հեղաշրջման փորձի հետևանքով Թուրքիայում զոհերի թիվը հասել է 90-ի, վիրավորներինը`1154-ի

Տարածաշրջան08:39, 16 Հուլիս 2016

Հեղաշրջման փորձի հետևանքով Թուրքիայում զոհերի թիվը հասել է 90-ի, վիրավորներինը`1154-ի

Հոլիսի 15-ի լույս 16-ի գիշերը զինվորականների կողմից իրականացված ռազմական հեղաշրջման հետևանքով զոհվածների թիվը հասել է 90-ի, վիրավորներինըէ 1154-ի:

Ըստ թուրքական «Hurriyet» թերթի կայքի` 90 սպանվածների մեջ կա 41 ոստիկան և 2 զինվորական: Սպանվածների թվում է Թուրքիայում իշխող «Արդարություն և զարգացում կուսակցության» (ԱԶԿ-AKP) բոլոր գովազդային արշավների կազմակերպիչ Էրոլ Օլչաքը:

1154 վիրավորներից 59-ը ոստիկաններ են, 19-ը զինվորներ, մնացած 1076-ը քաղաքացիական անձիք:

Հիշեցնենք, որ հուլիսի 15-ի երեկոյան Ստամբուլում և մայրաքաղաք Անկարայում սկսված ռազմական ճանապարհով պետական հեղաշրջման փորձը հուլիսի 16-ի առավոտյան արդեն գրեթե լիովին ճնշվել է: Շարժման կազմակերպման և մասնակցության մեջ մեղադրվող հարյուրավոր զինվորականներ ու պաշտոնյաներ ձերբակալվել կամ պաշտոնաթող են արվել: Էրդողանը այս գործողությունը որակել է որպես պետական դավաճանություն և հայտարարել, որ մեղավորները ամենախիստ ձևով կպատժվեն:

Աղբյուր` Ermenihaber.am