Թուրքիայում ազգայնական կուսակցությունը կողմ է մահապատժի վերականգմանը

Տարածաշրջան10:37, 19 Հուլիս 2016

Թուրքիայում ազգայնական կուսակցությունը կողմ է մահապատժի վերականգմանը

Թուրքիայի «Ազգայնական շարժում կուսակցության» (MHP-ԱՇԿ) նախագահ Դևլեթ Բահչելին անդրադարձել է Թուրքիայում մահապատժի վերականգման մասին քննարկումներին: Ինչպես հաղորդում է «Turkiyegazetesi» թերթի կայքը՝Բահչելին կուսակցության խմբակցության ժողովի ժամանակ ասել է, որ եթե Թուրքիայի իշխող «Արդարություն և զարգացում» կուսակցության (ԱԶԿ-AKP) որոշի վերականգնել մահապատիժը, ապա իրենք այդ հարցում կսատարեն ԱԶԿ-ին:

«Մահապատժի պահանջի մասին հաճախ է լսվում: Եթե ԱԶԿ-ին պատրաստ է դրան, ուրեմն մենք էլ դեմ չենք: Հանգիստ սրտով դա կանենք»,-ասել է Բահչելին

Նա քննադատելով Թուրքիայում հունիսի 15-ին տեղի ունեցած հեղաշրջման փորձը, ասել է, որ Թուրքիայում իշխանություն փոխելու միակ ճանապարհը ընտրություններն են: Բահչելին շեշտել է, որ այդ որոշումը հենց թուրք ժողովուրդն է կայացրել տարիներ առաջ: Իսկ հեղաշրջումների ժամանակը, որոնք իսկական չարիք են Թուրքիայի համար, մնացել է անցյալում:

Նրա խոսքերով հեղաշրջման փորձ իրականացրածների գործողությունները ոչ մի բանով չէին տարբերվում «Քուրդիստանի բանվորական կուսակցության» (ՔԲԿ-PKK) և «Իսլամական պետություն» ահաբեկչական կազմակերպության գործողություններից:

Աղբյուր` Ermenihaber.am