Վրաստանը և Թուրքիան խորացնում են երկկողմ համագործակցությունը

Տարածաշրջան12:59, 20 Հուլիս 2016

Վրաստանը և Թուրքիան խորացնում են երկկողմ համագործակցությունը

Թուրքիայում «Թուրք-վրացական Բարձր Մակարդակի Ռազմավավարական Համագործակցության խորհրդի» ստեղծման մասին համաձայնագիր է ստորագրվել: Այնուհետև տեղի է ունեցել վերոնշյալ խորհրդի առաջին նիստը, որի արդյունքում երկու երկրների միջև ստորագրվել է շուրջ 6 համագործակցության համաձայնագիր:

Ըստ թուրքական «Trthaber» լրատվական կայքի` այդ մասին հայտնի է դարձել Թուրքիայի վարչապետ Բինալի Յըլդըրըմի և Վրաստանի վարչապետ Գիորգի Քվիրիքաշվիլիի մասնակցությամբ Անկարայում գտնվող Չանքայա պալատում տեղի ունեցած մամուլի ասուլիսի ժամանակ:

Թուրքիայի աշխատանքի և սոցանվտանգության նախարար Սուլեյման Սոյլուի և Վրաստանի Աշխատանքի, առողջապահության և սոցիալական հարցերով նախարար Դավիթ Սերգեենկոյի միջև համաձայնագիր է ստորագրվել, որով Թուրքիայի և Վրաստանի կառավարությունները պետք է համագործածկցեն միմյանց հետ սոցանվտանգության և զբաղվածության ոլորտում:

Բացի դրանից Թուրքիայի արդարադատության նախարար Բեքիր Բոզդաղը և Վրաստանի պատիժների իրականացման հարցերով զբաղվող նախարար Կախա Կակհիշվիլին ստորագրել են բանտային և պայմանական կալանքների իրականացման ոլորտում երկու երկրների համագործակցության մասին համաձայնագիր:

Համաձայնագրեր են ստորագրվել նաև միջազգային բեռնափոխադրումների, ինչպես նաև ներդրումների ոլորտում համագործակցության վերաբերյալ:

Աղբյուր` Ermenihaber.am