Գյուլենի համոզմամբ Թուրքիայում ռազմական հեղաշրջման փորձը բեմականացված է եղել

Տարածաշրջան07:37, 01 Օգոստոս 2016

Գյուլենի համոզմամբ Թուրքիայում ռազմական հեղաշրջման փորձը բեմականացված է եղել

Իսլամի հայտնի գործիչ, ամերիկաբնակ թուրք միլիարդատեր Ֆեթուլլահ Գյուլենը Թուրքիայում հուլիսի 15-ին կատարված ռազմական հեղաշրջման փորձից հետո առաջին հարցազրույցն է տվել: Գյուլենը ամերիկյան «CNN» հեռուստաալիքի եթերում հերքել է մեղադրանքները, թե հեղաշրջման հետևում ինքն է կանգնած և իր ղեկավարած կառույցը՝ գյուլենական համայնքը:

Գյուլենը համոզված է, որ հեղաշրջման փորձը բեմականացված է եղել: «Հեղաշրջումն ավելի շատ հոլիվուդյան ֆիլմի էր նմանվում՝ իր բեմականացված սցենարով: Տպավորություն էր, թե նրանք բացահայտում են մի բան, որը նախօրոք պլանավորած են եղել»:

Լրագրողի հարցին, թե Թուրքիայի նախագահ Ռեջեփ Թայիփ Էրդողանին ինչ է կցանկանա ասել, Գյուլենը հույս է հայտնել, որ Էրդողանն Ալլահի առաջ մեղքերով չի կանգնի:

Նշենք, որ հուլիսի 15-ին Թուրքիայում կատարված ռազմական հեղաշրջման փորձից հետո իշխանությունները թիրախ ընտրեցին Գյուլենին և նրա ղեկավարած կառույցը՝ մեղադրելով հեղաշրջման փորձը կազմակերպելու մեջ:

Աղբյուր` Ermenihaber.am