Թուրքիան Պակիստանում գյուլենական հետք է փնտրում

Տարածաշրջան12:23, 03 Օգոստոս 2016

Թուրքիան Պակիստանում գյուլենական հետք է փնտրում

Թուրքիայի արտաքին գործերի նախարար Մևլութ Չավուշօղլուն Պակիստանի մայրաքաղաք Իսլամաբադում հանդիպել է Պակիստանի ԱԳՆ-ի ղեկավար Սարթաժ Ազիզի հետ: Ըստ թուրքական «Amerikaninsesi» լրատվական կայքի` հանդիպման ժամանակ Չավուշօղլուն խոսել է Պակիստանում գործող «PakTürk» միջազգային դպրոցների մասին, նշելով թե իբր դրանք կապ ունեն գյուլենական կառույցների հետ:

Թուրքիայի ԱԳՆ-ի ղեկավարը պնդել է, որ Պակիստանում գործող այդ դպրոցները համագործակցում են «ահաբեկչական կազմակերպության» հետ ուստի պետք է փակվեն: Ըստ Չավուշօղլուի դրանք վտանգ և սպառնալիք են ներկայացնում Պակիստանի և այլ երկրների անվտանգության, կայունության համար:

Պակիստանի արտգործանախարը ի պատասխան Չավուշօղլուի պահանջի՝ խոսք է տվել, ուսումնասիրել դպրոցների գործունեությունը, սակայն միաժամանակ նաև հույս հայտնել, որ դրանք չեն փակվի, քանի որ լավ են ղեկավարվում և որակյալ կրթություն ապահովում:

Թուրքական աղբյուրը նշում է, որ շուրջ 21 տարի Պակիստանում գործող «PakTürk» կազմակերպությունը հերքում է իր կապը գյուլենական կառույցների հետ: