Թուրքիայում աճել է գործազրկության ցուցանիշը

Տնտեսական09:50, 15 Օգոստոս 2016

Թուրքիայում աճել է գործազրկության ցուցանիշը

Թուրքիայի վիճակագրական ծառայության հրապարակած տվյալների համաձայն` 2016թ.-ի մայիսին երկրում գործազուրկների թիվը հասել է 2.895.000-ի:

Նշվում է, որ նախորդ տարվա նույն ժամանակահատվածի համեմատ թիվն ավելացել է 106.000-ով (0.1 %):

Ըստ թուրքական «Sondakika.com» լրատվական կայքի` ներկայումս գործազուրկների թիվը կազմում է Թուրքիայի բնակչության ընդհանուր թվի 9.4 %-ը: Ընդ որում՝ ոչ գյուղատնտեսական ոլորտներում գործազուրկների թիվը 0.1 տոկոսով նվազել է հասնելով 11.3 տոկոսի: Երիտասարդների (15-24 տարեկան) շրջանում գործազրկությունն աճել է 0.4 տոկոսով` հասնելով 17.4-ի: Իսկ 15-64 տարիքայիննների շրջանում թիվն ավելացել է 0.1 տոկոսով` հասնելով 9.6-ի:

Նախորդ տարվա մայիսի տվյալների համեմատությամբ 795 հազարով էլ ավելացել է աշխատանք գտնողների թիվը: Նշյալ ժամանակահատվածում նկատելիորեն պակասել է գյուղատնտեսական ոլորտներում աշխատողների թիվը (234.000 մարդ): Մեծացել է ոչ գյուղատնտեսական ոլորտներում աշխատողների թիվը (1.000.029 մարդ):

Բարձրացել է նաև աշխատուժի համալրման ցուցանիշը` նախորդ տարվա տեմպին գերազանցելով 0.8 տոկոսով: Այս տարի աշխատաշուկա է մտել 902.000 մարդ:

Աղբյուր` Ermenihaber.am