Թուրքիայում 114 տարվա ընթացքում երկրաշարժի հետևանքով մահացել է 94 հազար մարդ

Տարածաշրջան12:06, 17 Օգոստոս 2016

Թուրքիայում 114 տարվա ընթացքում երկրաշարժի հետևանքով մահացել է 94 հազար մարդ

1900-2004 թվականների ընթացքում Թուրքիայի տարածքում տեղի ունեցած երկրաշարժերի հետևանքով մահացել է մոտ 94 հզ. մարդ: Ըստ թուրքական «Risalehaber» լրատվական կայքի՝ նման վիճակագրական տվյալներ է ներկայացրել Թուրքիայի կառավարությանը կից արտակարգ իրադրությունների ծառայությունը (AFAD), Թուրքիայի երկրաշարժերի ուսումնասիրության համալսարանը և Քանդիլլի աստղադիտարանը:

Ուսումնասիրության համաձայն՝ 114 տարիների ընթացքում տեղի է ունեցել 15 խոշոր երկրաշարժ:

Ամենահզոր երկու երկրաշարժերը տեղի են ունեցել Թուրքիայի Երզնկայի և Քոջաելի նահանգներում: 1939թ-ին Երզնկայում տեղի ունեցած 7.9 բալանոց երկրաշարժի հետևանքով 32962 մարդ է մահացել: Փլուզվել է 116.720 շենք Այդ երկրաշարժը մտել է 20-րդ դարի ամենահզոր երկրաշարժերի տասնյակում:

Իսկ 1999 թ. Քոջաելի նահանգում տեղի ունեցած երկրաշարժի հետևանքով զոհվել էր 17.480 մարդ: Երկրաշարժի ուժգնությունը կազմել է 7.4 բալ: Երկրաշարժը տևել է 45 վայրկյան:

Աղբյուր` Ermenihaber.am