Թուրքիայում հավաքում են Ֆեթուլլահ Գյուլենի անվան սկզբնատառերով սերիաներ ունեցող պետհամարանիշները

Տարածաշրջան13:49, 22 Օգոստոս 2016

Թուրքիայում հավաքում են Ֆեթուլլահ Գյուլենի անվան սկզբնատառերով սերիաներ ունեցող պետհամարանիշները

Թուրքիայում իսլամական քարոզիչ Էրդեոանի հակառակորդ Ֆեթուլլահ Գյուլենի դեմ պայքարը տեղափոխվել է ավտոմեքենաների պետհամարանիշների ոլորտ:

Ըստ թուրքական «Milliyet» թերթի կայքի` երկրում բոլոր մեքենաների վրայից հավաքում են «FG» սերիայով պետհամարանիշները: Ոստիկանության գլխավոր վարչության հրամանով Թուրքիայում չեղյալ է հայտարարվել Ֆեթուլլահ Գյուլենի անուն-ազգանունի սկզբնատառերով սկսվող պետհամարանիշի սերիան:

Նշվում է, որ «FG» սերին առաջին անգամ Թուրքիայում կիրառվել է Դենիզլիի արդարադատության պալատին նվիրաբերված ծառայողական մեքենաների վրա: Իսկ 2014-ից նույն սերիայով համարանիշներ է տրվել նաև սեփական ավտոմեքենաներին: Կայքը նշում է, որ Թուրքիայի իշխանությունները չեն ցանկանում, որ երկրում որևէ բան հիշեցնի Գյուլենի մասին, որն իշխանությունների կողմից մեղադրվում է հուիսի 15-ի հեղաշրջման փորձի կազմակերպման մեջ:

«FG» համարանիշով մեքենաների շահագործումը մինչև նոր համարանիշներ ստանալը ժամանակավորապես կդադարեցվի:

Աղբյուր` Ermenihaber.am