Ռիո 2016-ում մեդալների քանակով Թուրքիան 41-րդ տեղում է

Մարզական07:15, 22 Օգոստոս 2016

Ռիո 2016-ում մեդալների քանակով Թուրքիան 41-րդ տեղում է

Բրազիլիայի Ռիո դե Ժանեյրո քաղաքում տեղի ունեցած 2016թ. ամառային օլիմպիական խաղերում Թուրքիան նվաճած մեդալների քանակով զբաղեցրել է 41-րդ տեղը: Թուրքական «NTV.com.tr» կայքի տեղեկացմամբ՝ այս երկիրը նվաճել է 8 մեդալ, որից 1-ը ոսկի, 3-ը՝ արծաթ, 4-ը՝ բրոնզ:

Թուրքիան ներկայացնող մարզիկները 5 մեդալ են նվաճել ընբշամարտի, մեկական մեդալ՝ ծանրամարտի, թեքվանդոյի և աթլետիկայի մրցապայքարում:

2016թ. Օլիմպիական խաղերում առաջին տեղն է գրավել ԱՄՆ-ն: Այս երկիրը ներկայացնող մարզիկներն ընդհանուր առմամբ, նվաճել են 121 մեդալ (46 ոսկի, 37 արծաթ, 38 բրոնզ):

Երկրորդ տեղում ընդհանուր 67 մեդալ նվաճած Մեծ Բրիտանիան է (27 ոսկի): Երրորդ տեղը 26 ոսկե մեդալով զբաղեցրել է Չինաստանը (ընդամենը՝ 70 մեդալ):

Խաղերը հյուրընկալած Բրազիլիան 7 ոսկե մեդալով զբաղեցրել է 13-րդ հորիզոնականը:

Հիշեցնենք, որ Հայաստանը 31-րդ ամառային օլիմպիական խաղերում նվաճած ընդհանուր չորս մեդալով զբաղեցրել է 42-րդ տեղը:

Աղբյուր` Ermenihaber.am