Թուրքական զինուժը լայնամասշտաբ գործողություն է սկսել Սիրիայի հյուսիսում (ՈւՂԻՂ)

Տարածաշրջան07:39, 24 Օգոստոս 2016

Թուրքական զինուժը լայնամասշտաբ գործողություն է սկսել Սիրիայի հյուսիսում (ՈւՂԻՂ)

Թուրքիայի բանակի ստորաբաժանումներն օգոստոսի 24-ի առավոտյան ժամը 5-ի սահմաններում լայնամասշտաբ գործողություն են սկսել «Իսլամական պետություն» (ԻՊ) ահաբեկչական կազմակերպության զինյալների կողմից վերահսկվող սահմանամերձ Ջերաբլուս քաղաքում:

Ըստ թուրքական «Milliyet» թերթի կայքի` ԱՄՆ-ի գլխավորած միջազգային կոալիցիայի աջակցությամբ կատարվող գործողությանը մասնակցում են թուրքական ԶՈՒ-ի հրետանային և ավիացիոն ստորաբաժանումները: Նշվում է, որ գործողության սկզբում ԻՊ-ի դիրքերը մոտ 2 ժամ պահվել են հրետանու կրակի տակ, այնուհետև ավիահարվածներով ոչնչացվել են նախօրոք հայտնաբերված 12 հենակետերից 11-ը:

Ավելի ուշ Ջերաբլուս են մտել թուրքական բանակի հատուկ նշանակության ստորաբաժանումները:

Նշվում է նաև, որ հատուկ տեխնիկայի միջոցով միջանցքներ են բացվում, որպեսզի տանկային ստորաբաժանումները կարողանան անցնել թուրք-սիրիական սահման:

Աղբյուրը հիշեցրել է նաև, որ 2015-ի նոյեմբերին ռուսական ռազմական ինքնաթիռի խոցման միջադեպից հետո թուրքական օդուժը առաջին անգամ է գործողություն իրականացնում Սիրիայի տարածքում:

Ուղիղ միացում