Չավուշօղլուն հանդիպել է Հունաստանի ԱԳ նախարարի հետ

Տարածաշրջան09:11, 29 Օգոստոս 2016

Չավուշօղլուն հանդիպել է Հունաստանի ԱԳ նախարարի հետ

Թուրքիայի ԱԳՆ-ի ղեկավար Մևլութ Չավուշօղլուն Հունաստանի արտաքին գործերի նախարար Նիկոս Կոտզիասի հրավերով պաշտոնական այցով գտնվում է Հունաստանում: Թուրքական «Anadolu» լրատվական գործակալության տեղեկացմամբ՝ Կրետե կղզում տեղի է ունեցել 2 երկրների ԱԳ նախարարների հանդիպումը:

Հանդիպման ընթացքում քննարկվել են երկկողմ հարաբերություններին , Թուրքիայում հուլիսի 15-ին տեղի ունեցած հեղաշրջման փորձին, ինչպես նաև Կիպրոսի հիմնախնդրին վերաբերող հարցեր:

Թուրքիայի ԱԳՆ –ի ղեկավարը նշել է, որ ջանքեր են գործադրվում երկկողմ հարաբերությունները ամրապնդելու ուղությամբ:

«Մենք աջակցում ենք Կիպրոսում շարունակվող բանակցություններին և կարգավորման համար ձեռնարկվող ջանքերին: Հուսով եմ կղզում ապրող երկու կողմերը կկարողանան ճիշտ ձևով օգտագործել խնդրի լուծման համար ընձեռնված հնարավորությունը: Մենք էլ (Հունաստան, Թուրքիա) իրենց կաջակցենք»,- ասել է Չավուշօղլուն:

Կողմերի խոսքերով վերոնշյալ հանդիպումը կաևոր է ոչ միայն Հունաստանի և Թուրքիայի, այլև ողջ տարածաշրջանի համար:

Աղբյուր` Ermenihaber.am