Թուրքիայի և Ռուսաստանի արտգործնախարարները հեռախոսազրույց են ունեցել

Քաղաքական09:02, 01 Սեպտեմբեր 2016

Թուրքիայի և Ռուսաստանի արտգործնախարարները հեռախոսազրույց են ունեցել

Թուրքիայի արտաքին գործերի նախարար Մևլութ Չավուշօղլուն հեռախոսազրույց է ունեցել Ռուսաստանի արտգործնախարար Սերգեյ Լավրովի հետ: Թուրքական «Haberturk» լրատվական կայքի փոխանցմամբ՝ հեռախոսազրույցի գլխավոր թեման եղել է Սիրիայի հարցը: Չավուշօղլուն Լավրովին տեղեկություններ է հաղորդել Թուրքիայի զինված ուժերի կողմից Սիրիայի տարածքում իրականացվող «Եփրատի վահան» գործողության մասին: Նա նշել է,որ նշյալ օպերացիայի ընթացքում հաջող գործողություններ են ընթանում «Իսլամական պետություն» ահաբեկչական կազմակերպության դեմ:

Բացի դրանից կողմերը քննարկել են Սիրիայում հումանիտար օգնության ավելացման և կրակի դադարեցման հարցերը, ինչպես նաև ճգնաժամը քաղաքական ճանապարհով լուծելու ջանքերը:

Իր հերթին Լավրովը իր անհանգստությունն է հայտնել թուրքական զորքերի կողմից Սիրիայի տարածքում իրականցվող գործողության վերաբերյալ:

Թուրքական աղբյուրը հաղորդում է, որ Չավուշօղլուն և Լավրովը հեռախոսազրույցի ժամանակ պայմանավորվել են մոտ ժամանակներս հանդիպել:

Աղբյուր` Ermenihaber.am