Հուլիսին Թուրքիա մեկնող զբոսաշրջիկների թիվը 3.4 միլիոնով նվազել է

Տնտեսական08:23, 02 Սեպտեմբեր 2016

Հուլիսին Թուրքիա մեկնող զբոսաշրջիկների թիվը 3.4 միլիոնով նվազել է

Թուրքիայի Մշակույթի և զբոսաշրջության նախարարության հրապարակած տվյալներ համաձայն` այս տարվա հուլիս ամսին երկիր այցելած զբոսաշրջիկների թիվը նախորդ տարվա նույն ժամանակահատվածի համեմատությամբ նվազել է 36.7 տոկոսով` հասնելով 3.4 միլիոն մարդու: Իսկ հունվար-հուլիս ժամանակահատվածում Թուրքիա այցելող զբոսաշրջիկների թիվը նվազել է 30.3 տոկոսով` իջնելով 14.2 միլիոնի:

Ըստ թուրքական «Cumhuriyet» թերթի կայքի` ամենամեծ անկումը գրանցվել է Ռուսաստանից գնացող զբոսաշրջիկների շրջանում` 93 տոկոս: Այս տարվա հունիս ամսին Թուրքիա է այցելել 47.788 ռուսաստանցի զբոսաշրջիկ, այն դեպքում երբ նախորդ տարվա հուլիսին այդ թիվը կազմել է 686.000: Իսկ տարվա առաջին 7 ամիսների կտրվածքով ռուսաստանցի զբոսաշրջիկների թվի անկումը կազմել է 89 տոկոս` նախորդ տարվա նույն ժամանակահատվածում 2.100.000 զբոսաշրջիկից նվազելով 642.000 այցելուի:

Հուլիսին նվազել է նաև ԱՊՀ երկրներից, այդ թվում` Հայաստանից Թուրքիա այցելող աբոսաշրջիկների թիվը, հասնելով 642.000-ի, որը կազմում է նախորդ տարվա ցուցանիշի 50 տոկոսը:

Աղբյուր` Ermenihaber.am