ԱՄՆ-ը թուրք-սիրիական սահմանին հրթիռային համակարգ է տեղակայում

Տարածաշրջան13:33, 05 Սեպտեմբեր 2016

ԱՄՆ-ը թուրք-սիրիական սահմանին հրթիռային համակարգ է տեղակայում

ԱՄՆ-ից Թուրքիա է ժամանել 50 հոգանոց զինվորական անձնակազմ, որը պետք է գործի դնի Թուրքիայի Գազիանթեփ նահանգի Ալմալըթեփե շրջանում տեղակայված HIMARS-տեսակի համազարկային կրակի ռեակտիվ համակարգը:

Ըստ թուրքական «Haberler» լրատվամիջոցի`92կմ հեռահարություն ունեցող հրթիռային համակարգերը օգտագործվելու են «Իսլամական պետություն» ահաբեկչակական կազմակերպության դիրքերի ուղղությամբ հարվածներ հասցնելու նպատակով: HIMARS –ի մարտկոցները տեղակայվելու են Գազիանթեփում գտնվող, Թուրքիայի զինված ուժերին պատկանող հրթիռային համակարգերի մոտ:

HIMARS-ը (անգլ.՝ HIMARS, High Mobility Artillery Rocket System), ամերիկյան արտադրության բարձր շարժունակությամբ համազարկային կրակի ռեակտիվ համակարգ է: HIMARS-ը հայտնի Մ270 համակարգի թեթև տարբերակն է։ Այն արտահանվել է Հորդանան, Սինգապուր և Արաբական Միացյալ Էմիրություններ: Այս համակարգերը համարվում են գերճշգրիտ, քանի որ շեղում չունեն։

Աղբյուր` Ermenihaber.am