Դեմիրթաշ. «ԺԴԿ-ի ընտրազանգվածը մեծացել է»

Քաղաքական08:51, 08 Սեպտեմբեր 2016

Դեմիրթաշ. «ԺԴԿ-ի ընտրազանգվածը մեծացել է»

Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) համանախագահ Սելահաթթին Դեմիրթաշը «Sputnik»-ին տված հարցազրույցում ասել է, որ արտահերթ ընտրությունների դեպքում իր գլխավորած կուսակցությունը կստանա ավելի շատ ձայն քան նախորդ ընտրություններում:

«Ես կարծում եմ, որ մենք կկարողանանք հաղթահարել անցողիկ շեմը: 2017թ-ին, կամ ավելի վաղ արտահերթ ընտրություններ անցկացվելու դեպքում ԺԴԿ-ն 13 %-ից ավելի ձայն կստանա: Այդ մասին վկայում են սոցհարցումները: Պետք չէ ուշադրություն դարձնել թուրքական մամուլի կողմից ձևավորված ընկալումներին: Ես 1.5 տարի է, ինչ որևէ թուրքական հեռուստանընկերության եթերում ելույթ ունենալու հնարավորություն չեմ ունեցել: Իմ կողմից արված հայտարարությունները մամուլում տեղ չեն գտել: Այս կողմնակալ քարոզչության պատճառով այնպիսի տպավորություն է ստեղծվել, թե ԺԴԿ-ն Թուրքիայի քաղաքական դաշտում իրեն սպառել է, սակայն դա այդպես չէ, ճիշտ հակառակը: Մեր ընտրազանգվածը աճել է: Հիմնվելով բոլոր ուսումնասիրությունների և հարցումների վրա՝ կարող ենք ասել, որ ԺԴԿ -ն կգերազանցի նախորդ ընտրություններում ունեցած իր հաջողությունը»,-եզրափակել է Դեմիրթաշը:

Հիշեցնենք, որ քրդամետ կուսակցությունը 2015թ. հունիսի 7-ի ընտրություններում ԺԴԿ-ն ստացել էև քվեների 13.01%-ը՝ ձեռք բերելով 80 պատգամավորական մանդատ։

Աղբյուր` Ermenihaber.am