Թուրքիան կմասնակցի ԻՊ-ի զինյալներից Ռաքա քաղաքի ազատագրման օպերացիային

Տարածաշրջան08:22, 09 Սեպտեմբեր 2016

Թուրքիան կմասնակցի ԻՊ-ի զինյալներից Ռաքա քաղաքի ազատագրման օպերացիային

Թուրքիան, ԱՄՆ, Սաուդյան Արաբիան և Քաթարը միաժամանակյա մեծ ռազմական գործողություն են իրականացնելու «Իսլամական պետություն» ահաբեկչական կազմակերպության վերահսկողության տակ գտնվող Սիրիայի Ռաքքա քաղաքում: Ըստ թուրքական «Haberler» լրատվամիջոցի`օպերացիայի ժամանակ, որի նպատակն է քաղաքը մաքրել ԻՊ-ի զինյալներից, Թուրքիան աջակցելու է «Սիրիայի ազատ բանակ» խմբավորմանը (սիրիական ընդդիմադիր ուժեր):

Տեղի ունենալիք խոշոր օպերացիայի շրջանակներում ,թե ցամաքային, թե օդային գործողություններ են իրականացվելու ԻՊ-ի զինյալների դեմ: Քաթարը և Սաուդյան Արաբիան օպերացիային աջակցելու են ռազմամթերքով, իսկ Թուրքիան և ԱՄՆ-ն զորքեր են ուղարկելու Ռաքքա և մասնակցելու են բուն ռազմական գործողություններին: Վերջիններս նաև պատասխանատու են լինելու օդային հարվածների իրականացման համար:

Թուրքական աղբյուրը հաղորդում է նաև, որ այս օպերացիայի իրականացման որոշումը ընդունվել է Լոնդոնում սիրիական ճգնաժամի վերաբերյալ տեղի ունեցած «Համախոհ երկրներ» խորագրով խորհրդաժողովում: Նույն ժողովի ժամանակ որոշում է կայացվել Իրաքի Մուսուլ քաղաքում նույնպես գործողություններ սկսել ԻՊ-ի զինյալների դեմ:

Աղբյուր` Ermenihaber.am