Hürriyet. «Գազպրոմը» նախնական թույլտվություն է ստացել «Թուրքական հոսքի» ծովային հատվածի կառուցման համար

Տնտեսական13:43, 14 Սեպտեմբեր 2016

Hürriyet. «Գազպրոմը» նախնական թույլտվություն է ստացել «Թուրքական հոսքի» ծովային հատվածի կառուցման համար

Ռուսական «Գազպրոմ» ընկերությունը «Թուրքական հոսք» գազատարի՝ Սև ծովով անցնող հատվածի կառուցման համար, Թուրքիայից դիվանագիտական խողովակներով նախնական թույլտվություն է ստացել:

Այս մասին հայտնում է թուրքական «Hurriyet» թերթի կայքը՝ նշելով, որ նման բովանդակությամբ հայտարարություն է տարածել «Գազպրոմ» ընկերությունը:

«Գազպրոմի» հայտարարության մեջ մեջբերվել է նաև ընկերության ղեկավար Ալեքսեյ Միլլերի խոսքն այն մասին, որ «Թուրքական հոսք» գազամուղի նախագծի առաջին փուլում թուրք պաշտոնյաների հետ արդյունավետ և հետեւողական աշխատանքները շարունակվում են:

Նշենք, որ «Թուրքական հոսք» գազատարով նախատեսվում է ռուսական գազը Սև ծովի հատակով հասցնել Թուրքիա։ Այնուհետև Թուրքիայի և Հունաստանի սահմանին գազային հանգույցի կառուցման միջոցով ռուսական գազը փոխադրել Եվրոպայի հարավային շրջաններ: «Թուրքական հոսք»-ի խողովակաշարի ընդհանուր երկարությունը պետք է լինի 910կմ, որի 660կմ հատվածը պետք է անցներ Ռուսաստանով, իսկ 250 կմ մասը` Թուրքիայով: Ըստ ծրագրի՝ այդ գազատարով պետք է 3w[ad8vi 15.8 մլն խմ բնական գազ;

«Թուրքական հոսք» նախագիծն առաջ էր քաշվել Ռուսաստանի նախագահ Վլադիմիր Պուտինի կողմից՝ դադարեցված «Հարավային հոսք» նախագծի փոխարեն: Սակայն 2015թ. Սեպտեմբերի նախագծի շուրջ բանակցությունները սառացվել էին: Դրանք վերսկսվեցին 2016-ի օգոստոսի 10-ին Թուրքիայի նախագահ Ռեջեփ Թայիփ Էրդողանի և Պուտինի հանդիպումից հետո:

Աղբյուր` Ermenihaber.am