Աղքատ է համարվում Թուրքիայի բնակչության 11.2 տոկոսը

Տնտեսական19:02, 22 Սեպտեմբեր 2016

Աղքատ է համարվում Թուրքիայի բնակչության 11.2 տոկոսը

Թուրքիայի բնակչության կյանքի որակը նկատելիորեն վատացել է: Այս մասին գրում է թուրքական «Sözcü» թերթի կայքը՝ վկայակոչելով Թուրքիայի վիճակագրական ընկերության (ԹՎԸ-TÜİK) տվյալները:

Համաձայն կատարված ուսումնասիրության՝ Թուրքիայում բնակչության եկամուտներն ու կենսապայմանները ունեն հետևյալ պատկերը: Բնակչության 20 տոկոսը ստանում է երկրի ընդհանուր եկամուտների գրեթե կեսը, իսկ 67.9 տոկոսը ապառիկներ ունի կամ պարտքեր: Այսպիսով, 79 մլն բնակչություն ունեցող Թուրքիայում պարտապան է ավելի քան 53 միլիոնը:

Իրենց հիմնական պահանջունքները չեն կարողանում բավարարել և լուրջ ֆինանսական դժվարություններ են կրում բնակչության 30 տոկոսը: Թուրքիայի քաղաքացիների 40 տոկոսը բնակվում է խարխուլ, ջուր չոնեցող տներում: Իսկ յուրաքանչյուր 10 մարդուց 2-ի (20.6 տոկոս) կացարանում ընդհանրապես էլեկտրականություն չկա:

Թուրքիայում չքավորության սահման է համարվում ամսական 520 թուրքական լիրայից (շուրջ 1.500 ԱՄՆ դոլար) ցածր աշխատավաձը: Այս չափանիշի համաձայն՝ աղքատ է Թուրքիայի բնակչության 11.2 տոկոսը: Իսկ եթե որպես աղքատության ցուցանիշ ընդունենք միջին եկամուտների 60 տոկոսի չափանիշը, ապա Թուրքիայում աղքատությունը կկազմի բնակչության 21.9 տոկոսը:

Աղբյուր` Ermenihaber.am