«Թուրքական հոսք» գազատարի նախագիծը Մոսկվան կարող է հաստատել մինչև հոկտեմբերի կեսը

Տարածաշրջան10:30, 28 Սեպտեմբեր 2016

«Թուրքական հոսք» գազատարի նախագիծը Մոսկվան կարող է հաստատել մինչև հոկտեմբերի կեսը

Ռուսաստանի էներգետիկայի նախարար Ալեքսանդր Նովակը հայտնել է, թե երբ Ռուսաստանը կհաստատի «Թուրքական հոսք» գազատարի կառուցման նախագիծը:

Թուրքական իշխանամետ «Sabah» թերթի տեղեկացմամբ՝ ռուս նախարարը նախագծի հաստատման ժամկետների մասին խոսել է ռուսական «Россия 24» հեռուստաալիքին տված հարցազրույցի ժամանակ՝ «Թուրքական հոսք» նախագծին վերաբերյալ հարցերին պատասխանելիս:

«Միջկառավարական պայմանագրի մասին օրինագիծը կարող է հաստատվել մինչև հոկտեմբերի կեսերը կամ ավելի կարճ ժամանակահատվածում»,-հայտնել է Նովակը:

Նշենք, որ «Թուրքական հոսք» նախագիծն առաջ էր քաշվել Ռուսաստանի նախագահ Վլադիմիր Պուտինի կողմից՝ դադարեցված «Հարավային հոսք» նախագծի փոխարեն:

Նախատեսվում էր, որ «Թուրքական հոսք»-ի խողովակաշարի ընդհանուր երկարությունը պետք է լինի 910կմ, որի 660կմ հատվածը պետք է անցներ Ռուսաստանով, իսկ 250 կմ մասը` Թուրքիայով: Ըստ ծրագրի՝ այդ գազատարով պետք է 15.8 մլն խմ բնական գազ Թուրքիայի տարածքով արտահանել եվրոպական երկրներ: Սակայն 2015թ. Սեպտեմբերի նախագծի շուրջ բանակցությունները սառացվել էին: Դրանք վերսկսվեցին 2016-ի օգոստոսի 10-ին Թուրքիայի նախագահ Ռեջեփ Թայիփ Էրդողանի և Պուտինի հանդիպումից հետո:

Աղբյուր` Ermenihaber.am