Թուրքիայի և Ռուսաստանի նախագահները հեռախոսազրույց են ունեցել

Քաղաքական07:34, 06 Հոկտեմբեր 2016

Թուրքիայի և Ռուսաստանի նախագահները հեռախոսազրույց են ունեցել

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի Դաշնության (ՌԴ) նախագահ Վլադիմիր Պուտինի հետ: Թուրքական իշխանամետ «Sabah» լրատվամիջոցը, հղում անելով Թուրքիայի նախագահականի աղբյուրներին, տեղեկացնում է, որ հեռախոսազրույցի ժամանակ կողմերը քննարկել են Սիրիայի խնդիրը, ինչպես նաև ռուս-թուրքական հարաբերությունների առանցքային հարցեր:

Սիրիական ճգնաժամի հարցում կողմերը կարևորել են Սիրիայում ընթացող բախումների դադարեցումը: Խոսվել է նաև Սիրիային հատկացվող մարդասիրական օգնության հարցում միջազգային հանրության ջանքերի ընդլայման մասին:

Անդրադարձ է կատարվել են ռուս-թուրքական հարաբերություններում առանցքային տեղ զբաղեցնող էներգետիկ խնդիրներին: Մասնավորապես երկու նախագահները քննարկել են Թուրքական «Աքքույու» ատոմակայանի և «Թուրքական հոսք» գազատարի շինարարության հարցը, ինպես նաև հոկտեմբերի 10-ին Թուրքիայի Ստամբուլ քաղաքում տեղի ունենալիք միջազգային էներգետիկ համաժողովի մանրամասները: Այդ համաժողովին նախատեսված է նաև Ռուսաստանի և Թուրքիայի նախագահների մասնակցությունը:

Աղբյուր` Ermenihaber.am