Թուրքիայում 1.5 ամսում զինված բախումների ընթացքում սպանվել է 417 քուրդ զինյալ, 88 թուրք զինվոր

Տարածաշրջան10:38, 10 Հոկտեմբեր 2016

Թուրքիայում 1.5 ամսում զինված բախումների ընթացքում սպանվել է 417 քուրդ զինյալ, 88 թուրք զինվոր

Թուրքիայի զինված ուժերի գլխավոր շտաբը (ԶՈՒ ԳՇ) վիճակագրական տվյալներ է հրապարակել երկրում ահաբեկչության դեմ պայքարի վերաբերյալ: Թուրքական «Anadolu» լրատվական գործակալության փոխանցմամբ՝ ԶՈՒ ԳՇ հայտարարության մեջ մասնավորապես նշված է, որ Թուրքիայի զինված ուժերն ու անվտանգության ծառայությունները վերջին ամիսներին ամենահամառ ու վճռական պայքար են մղել «անջատողական ահաբեկչական խմբավորումների»դեմ:

Ըստ աղբյուրի՝ օգոստոսի 29-ից մինչ օրս ահաբեկչության դեմ պայքարի շրջանակներում Թուրքիայում վնասազերծվել է 537 քուրդ զինյալ: Նրանցից 417-ը զինված գործողությունների արդյունքում զոհվել է: Զինված ուժերի ստորաբաժանումներն ու անվտանգության ծառայությունները առգրավել են Թուրքիայում որպես ահաբեկիչ որակվող քուրդ զինյալներին պատկանող մեծ քանակությամբ զենք ու զինամթերք:

Նույն ժամանակահատվածում զինված գործողությունների արդյունքում սպանվել է 88, վիրավորվել 152 զինվոր:

Աղբյուր` Ermenihaber.am