Քրդերը զինված հարձակում են գործել Հաքքարի նահանգում

Տարածաշրջան07:10, 10 Հոկտեմբեր 2016

Քրդերը զինված հարձակում են գործել Հաքքարի նահանգում

Թուրքիայի հարավարևելյան սահմանամերձ Հաքքարի նահանգի Շեմդինլի շրջանում «Քուրդիստանի բանվորական կուսակցության» (ՔԲԿ-PKK) զինյալները ռումբով բեռնված ավտոմեքենայով հարձակում են գործել տեղի պարեկային կետի վրա և պայթերցրել այն:

Ըստ թուրքական «Yeniakit» թերթի կայքի` պայթյունի հետևանքով սպանվել է 18 (10 զինվոր) և վիրավորվել 26 հոգի (10-ը զինվոր, 16-ը` քաղաքացիական անձ):

Նշվում է, որ պայթյունից հետո դեպքի վայրում առաջացել է 6-7 մետր խորությամբ փոս:

Նշյալ հարձակումից հետո Թուրքիայի օդուժը PKK-ի զինյալների դեմ սկսել է իրականացրել լայնամասշտաբ օդային օպերացիա: Դրա ընթացքում ոչնչացվել է Հաքքարի նահանգում քուրդ զինյալներին պատկանող «Դոչկա» տիպի գնդացրի զինապահեստ, որը ռազմավարական նշանակություն ուներ PKK-ի համար: Սպանվել է նաև 1 PKK-ական:

Թուրքիայի ռադիոյի և հեռուստատեսության բարձրագույն խորհուրդը ժամանակավոր արգելք է սահմանել քուրդ գրոհայինների զինված հարձակման մասին տեղեկատվություն (դեպքի վայրից լուսանկարներ,տեսանյութեր) տարածելու վրա:

Պայթյունի հետ կապված հայտարարություն է արել Սպիտակ տունը՝ խստորեն դատապարտելով իրականացրած հարձակումը:

Աղբյուր` Ermenihaber.am