Թուրքական լիրան շարունակաբար արժեզրկվում է դոլարի նկատմամբ

Տնտեսական12:46, 11 Հոկտեմբեր 2016

Թուրքական լիրան շարունակաբար արժեզրկվում է դոլարի նկատմամբ

Թուրքական լիրայի` երեկվանից սկսած արժեզրկումը շարունակվում է նաև այսօր: Ըստ թուրքական «NTV.com.tr» լրատվական կայքի` նախօրեին լիրայի կուրսը հասել էր 1 դոլար- 3.077 հարաբերակցության, իսկ այսօր արդեն օրվա առաջին կեսի դրությամբ 1 դոլարի փոխարժեքը հատել է 3.081 լիրայի սահմանը:

Նշվում է, որ սեպտեմբերի 23-ին Moody’s միջազգային վարկանիշային գործակալության կողմից Թուրքիայի երկարաժամկետ վարկային նիշն իջեցնելուց հետո լիրան արժեզրկվել է ավելի քան 3 տոկոսով:

Մասնագետները նշում են, որ լիրայի արժեզրկումը պայմանավորված է երկրում արտակարգ դրության երկարաձգումը ևս 3 ամսով, նավթի գների աճով և Թուրքիայի կենտրոնական բանկի կողմից փոխարժեքի բարձրացման դեմ կիրառվող ցածր տոկոսադրույքներով: Եվ դա կարող է հասնել մինչև 1 դոլարը 3.10 լիրայի հարաբերակցության:

Նշենք, որ դոլարի նկատմամբ լիրայի արժեզրկման պատմական ռեկորդը գրանցվել է հուլիսի 15-ի պետական հեղաշրջման փորձից 5 օր հետո` հուլիսի 20-ին, երբ մեկ դոլարի փոխարժեքը հասել էր 3.970 լիրայի:

Աղբյուր` Ermenihaber.am