«Թուրքական հոսքի» շուրջ ռուս-թուրքական պայմանագիրը մեծ վնաս կհասցնի Ուկրաինային

Տնտեսական10:58, 12 Հոկտեմբեր 2016

«Թուրքական հոսքի» շուրջ ռուս-թուրքական պայմանագիրը մեծ վնաս կհասցնի Ուկրաինային

Թուրքիայում Ուկրաինայի նախկին դեսպան Սերգեյ Կորսունսկին հայտարարել է, որ Թուրքիայի և Ռուսաստանի միջև «Թուրքական հոսք» գազատարի պայմանագիրը մեծ վնաս կարող է հասցնել Ուկրաինային: Այս մասին հայտնում է թուրքական «Doğan» լրատվական գործակալությունը:

Դեսպանն ընդգծել է, որ ռուս-թուրքական պայմանավորվածության համաձայն, «Թուրքական հոսքով», որի կառուցումը նախատեսվում է ավարտել 2019 թվականին, տարեկան 16 միլիարդ մետր խորանարդ գազ պետք է արտահանվի: Ըստ Կորսունսկիի՝ այս իրավիճակը մեծ վնաս կհասցնի Ուկրաինային, որպես Եվրոպա արտահանվող ռուսական գազի տարանցիկ երկիր: Նախկին դեսպանի կարծիքով, այս պատճառով Ուկրաինան պետք է ակտիվ աշխատանքներ տանի:

Նա նաև նշել է, որ նախագծի իրագործման ճանապարհին մի շարք խոչընդոտներ կան, որոնցից մեկը երկու երկրներում կառուցման համար անհարաժեշտ տեխնիկայի բացակայությունն է: Կորսունսկիի խոսքերով ո՛չ Ռուսաստանը, ո՛չ Թուրքիան Սև ծովի հատակով գազատար խողովակ անցկացնելու համար անհրաժեշտ տեխնիկա չունի, իսկ եվրոպական ընկերությունները, որոնք կարող են դա իրականացնել, Ռուսաստանի նկատմամբ պատճամիջոցների պատճառով հնարավոր է հրաժարվեն:

Աղբյուր` Ermenihaber.am