Թուրքիայում պատրաստվում են նվազեցնել գազի և Էլեկտրաէներգիայի սակագները

Տնտեսական07:40, 13 Հոկտեմբեր 2016

Թուրքիայում պատրաստվում են նվազեցնել գազի և Էլեկտրաէներգիայի սակագները

Թուրքիայի էներգետիկայի և բնական պաշարների նախարար Բերաթ Ալբայրաքը հայտարարել է, որ աշխատանքներ են տանում առաջիկայում բնական գազի և էլեկտաէներգիայի սակագները նվազեցնելու ուղղությամբ:

Նախարարը խոսքում նշում է, որ առաջիկա ժամանակաշրջանում էժանացումների վերաբերյալ ավելի հստակ տեղեկություններ կհաղորդվեն:

Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը Ստամբուլում տեղի ունեցած 1 ժամ 40 րոպեանոց հանդիպմանը քննարկել էին նաև բնական գազի սակագնի հարցը:

Հանդիպմաը հաջորդած համատեղ մամուլի ասուլիսի ժամանակ Պուտինն հայտարարել էր, որ «Թուրքական հոսք» գազատարի վերաբերյալ համաձայնագիրը կնքելուց հետո պայմանավորվածություն են ձեռք բերել նաև բնական գազի գնի համար Թուրքիային տրամադրվելիք զեղչի վերաբերյալ:

Ըստ թուրքական «Yenişafak» թերթի կայքի` Ալբայրաքը խոսել է նաև ռուսների կողմից Թուրքիայում կառուցվող Աքքույու ատոմակայանի շինարարության մասին` նշելով, որ դա և կառուցվելիք մյուս 2 ատոմակայնները կապահովեն երկրի պահանջարկի 10 տոկոսը:

Նշենք նաև, որ ավելի վաղ կայացված որոշմամբ հոկտեմբերի 1-ից սկսած արդեն իսկ գազի սակագները բնակչության համար նվազեցվել են 10 տոկոսով: Ալբայրաքը չի նշել նոր զեղչի չափը` ասելով, որ ռուսական կողմի հետ բանակցությունները են վարվում:

Աղբյուր` Ermenihaber.am