Թուրքիայի ԶՈՒ Գլխավոր շտաբի պետը մեկնել է ԱՄՆ

Տարածաշրջան12:20, 14 Հոկտեմբեր 2016

Թուրքիայի ԶՈՒ Գլխավոր շտաբի պետը մեկնել է ԱՄՆ

Թուրքիայի զինված ուժերի (ԶՈՒ) Գլխավոր շտապի պետ, բանակի գեներալ Հուլուսի Աքարը մեկնել է ԱՄՆ` մասնակցելու «Իսլամական պետություն» ահաբեկչական կազմերպության դեմ ստեղծված «դաշնակցային երկրների» Գլխավոր շտաբի պետերի ժողովին: Թուրքական «Haberler» լրատվամիջոցը Աքարի ուղևորությունը որակում է որպես «անակնկալ այց»:

Ժողովին քննարկվելու են ԻՊ-ի վերահսկողության տակ գտնվող Մոսուլ քաղաքի ազատագրման օպերացիայի մանրամասները:

Ի դեպ, նշվում է, որ գործողությանը մասնակցելու են Թուրքիայի բանակի կողմից վարժեցված ուժեր: Իսկ բուն Թուրքիայի մասնակցությունը այդ օպերացիային դեռևս հարցականի տակ է, քանի որ նախօրեին Թուրքիայի ԱԳՆ-ի ղեկավար Մևլութ Չավուշօղլուն, ԱՄՆ-ի առաջ պայման էր դրել: Ըստ այդմ `Թուրքիան օպերացիային կմիանա այն դեպքում, եթե դրանում մասնակցություն չունենան Սիրիայի քրդական «Ժողովրդավարական միություն» կուսակցության (PYD) ռազմական թև հանդիսացող «Ժողովրդական ինքնապաշտպանության ջոկատները» (YPG):

Աղբյուր` Ermenihaber.am