Թուրքիայում 2 անգամ ավելացել է ծայրահեղ աղքատների թիվը

Տնտեսական09:29, 19 Հոկտեմբեր 2016

Թուրքիայում 2 անգամ ավելացել է ծայրահեղ աղքատների թիվը

2015 թվականի ընթացքում Թուրքիայում 2 անգամ ավելացել է ծայրահեղ աղքատների թիվը: Թուրքական «Memurlar.net» կայքը, հղում անելով երկրի վիճակագրական ծառայությանը, գրում է, որ եթե Թուրքիայում ծայրահեղ աղքատ համարվող մարդիկ, որոնց օրական եկամուտը ցածր է 2.7 թուրքական լիրայից (90 ցենտ), 2014 թվականին կազմել են 1000 բնակչի հաշվով 3 հոգի, ապա 2015-ին այդ ցուցանիշը հասել է 6-ի:

Նույն վիճակագրության համաձայն՝ 20 հազարով պակասել է օրական մինչև 5.3 լիրա (1.95 դոլար) եկամուտ ունեցող աղքատների թիվը` 1.223.000-ից հասնելով 1.203.000-ի:

Իսկ աղքատների թիվը երկրում, որոնց եկամուտը հասնում օրական մինչև 7.495 լիրայի (2.5 դոլար), ավելացել է 205 հազարով` 16.501.000 մարդուց հասնելով 16..706.000-ի:

Թուրքիայում ամենաբարձր վճարվող 20 տոկոսի եկամուտները 2015-ին ավելացել են 0.6 տոկոսով` կազմելով ընդհանուր եկամուտների 46.5 տոկոսը: Երկրի ամենաաղքատ 20 տոկոս բնակչության եկամուտները կազմում են ընդհանուր եկամուտի 6.1 տոկոսը:

Աղբյուր` Ermenihaber.am