Թուրքիայում տուրիզմի ոլորտը չի կարողանում դուրս գալ ճգնաժամային վիճակից

Տնտեսական13:47, 24 Հոկտեմբեր 2016

Թուրքիայում տուրիզմի ոլորտը չի կարողանում դուրս գալ ճգնաժամային վիճակից

Թուրքիայի «Հյուրանոցների միության» փոխնախագահ Մեհմեթ Իշլերը հայտարարել է, որ 2016 թվականի 9 ամիսների տվյալներով Թուրքիայի զբոսաշրջային գոտիները նախորդ տարվա նույն ժամանակահատվածի համեմատությամբ կորցրել են շուրջ 8,6 միլիոն այցելու:

Թուրքական «Hurriyet» թերթի կայքի հաղորդմամբ` Իշլերը վատատեսական կանխատեսում է արել նաև 2017 թվականի համար:

«Զբոսաշրջային վայրերում ամրագրումներ չեն կատարվում, կանխավճարներ չեն արվում: Սա խոսում է այն մասին, որ 2017-ն էլ փայլուն տարի չի լինելու զբոսաշրջության տեսանկյունից»,-ասել է Իշլերը՝ ավելացնելով, որ Անթալիայում, Ստամբուլում, Մուղլայում ու Իզմիրում շարունակվում է անկման միտումը:

Ըստ թուրք պաշտոնյայի՝ այս տվյալները խոսում են այն մասին, որ 2016 թվականին երկրում զբոսաշրջությունը լուրջ ճգնաժամ է ապրում:

Իշլերի կարծիքով ոլորտը կրկին ոտքի կանգնեցնելու և հզորացնելու համար անխուսափելի է պետական աջակցությունը՝ ավելացնելով, որ դրա կարիքն ունեն հատկապես զբոսաշրջիկների 42 տոկոսին կորցրած Իզմիրը, ինչպես նաև Էգեյան ծովի առափնյա զբոսաշրջային վայրերը:

Աղբյուր` Ermenihaber.am