Ուկրաինան և Թուրքիան խորացնում են ռազմական համագործակցությունը

Տարածաշրջան09:12, 25 Հոկտեմբեր 2016

Ուկրաինան և Թուրքիան խորացնում են ռազմական համագործակցությունը

Հոկտեմբերի 24-ին Թուրքիայի ռազմաարդյունաբերական ոլորտի համակարգող Իսմայիլ Դեմիրը Կիևում հանդիպել է Ուկրաինայի ազգային անվտանգության և պաշտպանության խորհրդի նախագահ Ալեքսանդր Տուրչինովի և ուկրաինացի այլ պաշտոնյաների հետ: Նպատակը 2 երկրների միջև ռազմական համագործակցության նախագծերի իրագործման հնարավորություններին հասնելն է:

Ըստ թուրքական «Ahaber» լրատվական կայքի` հանդիպման ժամանակ քննարկվել են երկու երկրների կողմից զրահապատ մեքենաների, հրթիռների, անօդաչու թռչող սարքերի և ռազմական մեքենաների համատեղ արտադրության հարցերը:

Հանդիպման ներկա է գտնվել նաև Ուկրաինայում Թուրքիայի արտակարգ և լիազոր դեսպան Յոնեթ Ջան Թեզելը:

Հիշեցնենք, որ ավելի վաղ Թուրքիայի և Ուկրաինայի միջև առաջին անգամ պաշտպանության ոլորտում ստորագրվել էր պայմանագիր` ռադիոլոկացիոն կայանի համատեղ արտադրության մասին: Նշյալ պայմանագիրը կնքվել էր Ուկրաինայի պետական «Укринмаш» և թուրքական «Havelsan» (Օդային էլեկտրական սարքավորութումների արտադրություն) ընկերությունների միջև:

Աղբյուր` Ermenihaber.am