Թուրքիայի ցամաքային ուժերը կհամալրվեն տեղական արտադրության անօդաչու թռչող սարքերով

Տարածաշրջան13:11, 26 Հոկտեմբեր 2016

Թուրքիայի ցամաքային ուժերը կհամալրվեն տեղական արտադրության անօդաչու թռչող սարքերով

Թուրքիայի բանակի ցամաքային զորքերը կհամալրվեն տեղական արտադրության հարվածային անօդաչու թռչող սարքերի (ԱԹՍ) 4 համակարգով, որոնք ներառում են 16 միավոր ԱԹՍ: Ըստ թուրքական «Ensonhaber.com» լրատվական կայքի` ցամաքային զորքերի հրամանատարությունը դրանք կօգտագործի հետախուզության, թիրախների հայտնաբերման և ոչնչացման նպատակով: Նշվում է, որ ԱԹՍ-ների արտադրության նպատակով Թուրքիայի պաշտպանական արդյունաբերության և թուրքական «Baykar Makine» ընկերությունը դեռևս մայիսի 13-ին համագործակցության պայմանագիր են ստորագրել:

Պայմանագրի համաձայն` 8 ԱԹՍ-ից կազմված առաջին առաջին 2 համակարգը ցամաքային զորքերի հրամանատարությանը կտրամադրվի 2017-ին, մյուս երկու փաթեթը` 2018-ին:

Այս պահին մոդիֆիկացված 8 ԱԹՍ թուրքական ԶՈւ-ի կողմից օգտագործվում է «Քուրդիստանի բանվորական կուսակցության» (ՔԲԿ-PKK) զինյալների դեմ պայքարում:

Նշվում է, որ հարձակողական ԱԹՍ-երը նախագծվել են թուրք ինժիներների կողմից, ծրագրային ապահովումը և էլեկտրոտեխնիկան նույնպես թուրքական արտադրության են: Թուրքիայի պաշտպանական արդյունաբերության մեջ առաջին դեպքն է, երբ ԱԹՍ-ի արտադրության մեջ 93 տոկոսով օգտագործվում են տեղական հնարավորությունները:

Հաղորդվում է, որ առաջիկայում Թուրքիայի ոստիկանությանն ու ժանդարմերիային էլ կհանձնվեն 12-ական ԱԹՍ-եր, որնց մեջ կլինեն ինչպես հարվածային, այնպես էլ հետախուզական սարքեր:

Աղբյուր` Ermenihaber.am