ԱՄՆ-ն Անկարայում և Իզմիրում գտնվող իր քաղաքացիներին հորդորել է հեռու մնալ մարդաշատ վայրերից

Տարածաշրջան11:15, 28 Հոկտեմբեր 2016

ԱՄՆ-ն Անկարայում և Իզմիրում գտնվող իր քաղաքացիներին հորդորել է հեռու մնալ մարդաշատ վայրերից

Թուրքիայում ԱՄՆ դեսպանատունը զգուշացրել է իր քաղաքացիներին հոկտեմբերի 29-ին Իզմիրում և Անկարայում անցկացվելիք Հանրապետության օրվա միջոցառումների ժամանակ հեռու մնալ մարդաշատ վայրերից:

Դեսպանատան պաշտոնական կայքում հրապարակված հայտարարության մեջ նշվում է, որ Հանրապետության տոնի կապակցությամբ տարբեր քաղաքական ուժերը հայտարարել են դեպի Աթաթուրքի դամբարան երթ կազմակերպելու մասին: Սակայն Անկարայի նահանգապետարանը անվտանգության նկատառումներով արգելել է ցույցեր և հավաքներ կազմակերպել:

Նշվում է, որ Անկարայում և Իզմիրում անցկացվելիք ցույցերը չնայած խաղաղ բնույթ են կրելու, բայց կարող են վերածվել բախումների: Այս կապակցությամբ դեսպանատունը ԱՄՆ քաղաքցիներին զգուշացնում է «մարդաշատ վայրերից հեռու մնալ, ցույցերի և միջոցառումների վայրերում ուշադիր լինել»: Ըստ դեսպանատան հայտարարության՝ միջոցառումների ժամանակ պարզապես մարդաշատ վայրում հայտնվելը կարող է ձերբակալության պատճառ դառնալ:

Աղբյուր` Ermenihaber.am