Թուրիքայի Հանրապետությունը 93 տարեկան է

Տարածաշրջան09:45, 29 Հոկտեմբեր 2016

Թուրիքայի Հանրապետությունը 93 տարեկան է

Թուրքիայում մեկնարկել են հանրապետության հիմնադրման 93 ամյակին նվիրված տոնական մեծամասշտաբ միջոցառումներ: Նախկինում եղել են դեպքեր, երբ այդ միջացառումներն ավարտվել են ցուցարարների և ոստիկանների միջև տեղի ունեցած բախումներով:

Շնորհավորական ուղերձով հանդես է գալու երկրի նախագահ Ռեջեփ Թայիփ Էրդողանը: Թուրքական «Sabah» թերթի տեղեկացմամբ՝ միջոցառումների ժամանակ ոգեկոչվելու է հուլիսի 15-ի պետական հեղաշրջման փորձի ժամանակ ապստամբների կողմից սպանված քաղաքացիների հիշատակը: Զոհերի հարազատները ներառված են նաև հանրապետության օրվան նվիրված շքերթին:

Google որոնողական համակարգը Թուրքիայի տոնը խորհրդանշող «դուդլ» է տեղադրել:

Հիշեցնենք, որ Թուրքիայի Հանրապետությունը հիմնադրվել է 1923 թվականի հոկտեմբերի 29-ին քեմալական շարժումը գլխավորած Մուսթաֆա Քեմալ Աթաթուրքի կողմից, որն էլ դարձավ առաջին նախագահը: Իր տարածքի մեծությամբ (780.576 կիլոմետր քառակուսի) Թուրքիան աշխարհում զբաղեցնում է 37-րդ տեղը։