Թուրքիայում զբոսաշրջության եկամտաբերությունը նվազել է 32.7 տոկոսով

Տնտեսական13:31, 31 Հոկտեմբեր 2016

Թուրքիայում զբոսաշրջության եկամտաբերությունը նվազել է 32.7 տոկոսով

Թուրքիայի վիճակագրական ծառայությունը (ԹՎԾ - TÜİK) տվյալներ է հրապարակել երկրի զբոսաշրջության ոլորտի եկամտաբերության վերաբերյալ:

Թուրքական պետական «Anadolu» լրատվական գործակալության համաձայն՝ տարվա առաջին քառորդում զբոսաշրջության ոլորտի ապահոված եկամուտները նվազել են 32.7 տոկոսով՝ հասնելով 8.227.009.000 դոլարի:

Նշյալ եկամտի 71,6 տոկոսը ապահովվել է օտարերկրացի այցելուների, իսկ 28.4 տոկոսը՝ արտասահմանում բնակվող Թուրքիայի քաղաքացիների այցելությունների հաշվին:

Զբոսաշրջիկներից յուրաքանչյուրը Թուրքիայում միջինում ծախսել է 686 դոլար: Ընդ որում, օտարազգի զբոսաշրջիկների ծախսերի միջին ցուցանիշը 622 դոլարն է, իսկ արտասահմանում բնակվող թուրքերի ծախսերի միջին ցուցանիշը կազմել է 901 դոլար:

Նշված ժամանակահատվածում Թուրքիայից ելք կատարած զբոսաշրջիկների թիվը նվազել է 30.7 տոկոսով՝ կազմելով 12.063.311 մարդ: Նրանցից 78.5 տոկոսը օտարազգիներ են, իսկ 21.5 տոկոսը՝ արտերկրում բնակվող Թուրքիայի քաղաքացիներ:

Աղբյուր` Ermenihaber.am