Թուրքական ԶՈՒ-ի հատուկ նշանակության ուժերը առաջին անգամ կհամալրվեն ոչ բանակային ծառայողներով

Տարածաշրջան10:14, 01 Նոյեմբեր 2016

Թուրքական ԶՈՒ-ի հատուկ նշանակության ուժերը առաջին անգամ կհամալրվեն ոչ բանակային ծառայողներով

Թուրքիայի բանակի հատուկ նշանակության զորքերը (կարմիր բերետավորներ) առաջին անգամ կհամալրվեն ոչ բանակային անձնակազմով:

Ըստ թուրքական «Hurriyet» թերթի կայքի` պաշտպանության նախարարությունը հատուկ նշանակության զորքերը 200 պայմանագրային սպայով ու 500 ենթասպայով համալրելու նպատակով ընդունելություն է սկսել: Այս համալրումը, սակայն, առանձնանալու է նրանով, որ խախտվելու է երկար ժամանակ բացառապես զինված ուժերի այլ անձնակազմերից հատուկ նշանակության զորհերը համալրելու ավանդույթը:

Ընդունման կարգում կատարված փոփոխություններից հետո թուրքական կարմիր բերետավորների սպայական շարքերը համալրելու թեկնածության համար կարող են դիմել նվազագույնը բակալավրի որակավորում ունեցող քաղաքացիները, իսկ ենթասպայական կազմում ընգրկվելու համար կարող են դիմել թերի բարձրագույն կրթություն ունեցողները (համալսարանների երկամյա կուրսը ավարտածները):

Նշվում է, որ Թուրքիայի պաշտպանության նախարարությունը կարմիր բերետավորների շարքերի համալրման մասին հատուկ աֆիշով հայտարարության է տարածել, որի վրա զետեղվել է հեղաշրջման գիշերը զոհված ենթասպա Օմեր Հալիսդեմիրի նկարը: Վերջինին սպանել էին հեղաշրջման փորձի մասնակից զինվորականներն այն բանից հետո, երբ Հալիսդեմիրը հեղաշրջումը կանխելու նպատակով սպանել էր խռովարար գեներալներից մեկին:

Աղբյուր` Ermenihaber.am