Էրդողանը հույս է հայտնել, որ Թրամփի հաղթականը դրական զարգացումներ կբերի

Քաղաքական10:13, 09 Նոյեմբեր 2016

Էրդողանը հույս է հայտնել, որ Թրամփի հաղթականը դրական զարգացումներ կբերի

Թուրքիայի նախագահ Ռեջեփ Թայիփ Էրդողանը ելույթ է ունեցել Ստամբուլի 20-րդ միջազգային գործարար համաժողովում: «CNN Türk»-ի փոխանցմամբ՝ Էրդողանը պատասխանել է Թուրքիայի ներքին զարգացումների վերաբերյալ Արևմուտքի հնչեցրած քննադատություններին.

«Առանց ամաչելու, առանց իրենց արյունոտ ձեռքերին նայելու՝ մեզ նացիստ են անվանում: Նացիստական գաղափարախոսությունը ոչ թե Արևելքում, այլ Արևմուտքում է ծագել և ողբերգությունների պատճառ դարձել: Մարդկանց մասսայական կոտորածների գաղափարի բնօրրանը ոչ թե Արևելքն է, այլ Արևմուտքը»:

Էրդողանն անդրադարձել է նաև ԱՄՆ-ի 45-րդ նախագահի պաշտոնում Դոնալդ Թրամփի ընտրվելու հանգամանքին:

«Այս ընտրություններով Ամերիկայում նոր ժամանակաշրջան է սկսվում: Մաղթում եմ, որպեսզի ամերիկացիների այս ընտրությունը աջակցի ազատությանն ու ժողովրդավարությանը, ինչպես նաև՝ նպաստի մեր տարածաշրջանի զարգացմանը միտված դրական քայլերի ձեռնարկմանը: Ուզում եմ հավատալ, որ բարին սա է», -նշել է Թուրքիայի նախագահը:

Աղբյուր` Ermenihaber.am