Թայվանի տեխնոլոգիական ընկերությունները պատրաստվում են մեծածավալ ներդրումներ անել Թուրքիայում

Տնտեսական07:34, 09 Նոյեմբեր 2016

Թայվանի տեխնոլոգիական ընկերությունները պատրաստվում են մեծածավալ ներդրումներ անել Թուրքիայում

Թուրքիայում Թայվանի դեսպան Յասեր Չենգը և Թայվանի արտաքին առևտրի զարգացման կենտրոնի Թուրքիայի բաժնի տնօրեն Սուա Չենը հայտարարել են Թուրքիայում ներդրումներ անելու մտադրության մասին: Թայվանցի պաշտոնյաները հայտարարել են, որ Թուրքիայում գործող թայվանական կազմակերպությունները մեծացնելու են ներդրումների չափը, ինչպես նաև ներգրավվելու են նոր ընկերություններ:

Ըստ թուրքական «Dunya.com» լրատվական կայքի` Թայվանի աշխարհահռչակ տեխնոլոգիական ընկերություններից («Acer»-ը, «Asus»-ը, «HTC»-ն, «Zyxel»-ը, «FSP», «Gigabyte») 3-ը Թուրքիայում գործարան կկառուցեն:

Առաջին գործարանն արդեն պատրաստ կլինի 2019-ին:

Թայվանի արտաքին առևտրի զարգացման կենտրոնի Թուրքիայի բաժնի տնօրենը հայտնել է, որ 2015-ին իր երկրից Թուրքիա կատարված արտահանումը կազմել է 1.5 մլրդ դոլար, որի մեծ մասը եղել են բջջային հեռախոսներ, համակարգիչներ, թվային տեսախցիկներ և այլ նորագույն տեխնիկաներ:

Վերջինս ավելացրել էն աև, որ թուրքական 80 մլն-ի հասնող շուկան շատ հետաքրքիր է իրենց համար, քանի որ այդ շուկան զարգանալու մեծ ներուժ ունի:

Աղբյուր` Ermenihaber.am