Նորանշանակ դեսպանը խոստանում է ռուս-թուրքական հարաբերությունները բարձրացնել նոր մակարդակի

Քաղաքական09:40, 11 Նոյեմբեր 2016

Նորանշանակ դեսպանը խոստանում է ռուս-թուրքական հարաբերությունները բարձրացնել նոր մակարդակի

Ռուսաստանի Դաշնությունում (ՌԴ) Թուրքիայի նորանշանակ արտակարգ և լիազոր դեսպան Հուսեյն Դիրիյոզը թուրքական «Gazetem» թերթին տված հարցազրույցում խոսել է նոր պաշտոնում իր ապագա ծրագրերի մասին:

Դիրիյոզը, մասնավորապես, նշել է, որ կանի ամեն հնարավոր բան երկու երկրների հարաբերությունները բոլոր բնագավառներում զարգացնելու և ավելի բարձր մակարդակի հասցնելու համար:

Ըստ աղբյուրի՝ մոտ օրերս Դիրիյոզը կմեկնի Մոսկվա և կստանձնի իր պարտականությունները:

Նշենք, որ 60-ամյա Հուսեյն Դիրիյոզը, որը թուրք ամենափորձառու դիվանագետներից է, Մոսկվայում Թուրքիայի դեսպանի պաշտոնում փոխարինելու է Ումիթ Յարդըմին, որն այդ պաշտոնը զբաղեցնում է 2014 թվականից:

Հուսեjն Դիրիյոզը Թուրքիայի ԱԳՆ-ում աշխատում է 1978 թվականից, ուր գլխավորել է ՆԱՏՕ-ի հետ փոխգործակցության դեպարտամենտը, իսկ հետո՝ ԶԼՄ-ների ու հասարակայնության հետ կապերի դեպարտամենտը:

Դիրիյոզը 2004-2008 թվականներին հանդիսացել է Հորդանանում, իսկ 2013 թվականից՝ Բրազիլիայում Թուրքիայի դեսպան:

Հիշեցնենք, որ 2010-2013 թվականներին Դիրիյոզը եղել է ՆԱՏՕ-ի գլխավոր քարտուղարի՝ պաշտպանական ու պլանավորման քաղաքականության հարցերով տեղակալը:

Աղբյուր` Ermenihaber.am