Թուրքիան ակտիվորեն կշարունակի ռազմական գործողությունները Սիրիայում և Իրաքում

Տարածաշրջան07:00, 11 Նոյեմբեր 2016

Թուրքիան ակտիվորեն կշարունակի ռազմական գործողությունները Սիրիայում և Իրաքում

Թուրքիայում այսօր գումարված անվտանգության նիստում երկրի սահմաններից դուրս իրականացվող ռազմական գործողությունների վերաբերյալ մի շարք կարևոր որոշումներ են կայացվել: Թուրքական «Milliyet» թերթի կայքի տեղեկացմամբ՝ անվտանգության նիստն անցկացվել է վարչապետ Բինալի Յըլդըրըմի նախագահությամբ:

Թուրքիայի կառավարությունը որոշել է «չվստահել և չսպասել դաշնակից ուժերի աջակցությանը, այլ ինքնուրույն լուծել իր խնդիրները»: Մասնավորապես, որոշում է կայացվել՝ շարունակել պայքարը Սիրիայում և Իրաքում այնքան ժամանակ, «քանի դեռ Թուրքիային սպառնում է ահաբեկչությունը»: Ընդ որում, երկրի սահմաններից դուրս ռազմական գործողությունները կառավարության որոշումներում բնութագրվել են որպես «ինքնապաշտպանական գործողություններ»:

Թուրքիայի կառավարությունը որոշել է Սիրիայում ընդարձակել բնակիչների համար ստեղծված անվտանգության գոտին և արգելել կողմնակի ուժերի մուտքը տարածք:

Որոշում է կայացվել նաև մասնակցել Ռաքքայի ազատագրմանը՝ «Իսլամական պետություն» (ԻՊ - DEAŞ) ահաբեկչական խմբավորումից:

«Ոչ մի դեպքում չի կարելի թույլ տալ, որպեսզի այն անցնի «Ժողովրդական ինքնապաշտպանական ուժերին» (ԺԻՈՒ-YPG) և «Քուրդիստանի բանվորական կուսակցությանը» (ՔԲԿ-PKK), ձեռքը, չպետք է թույլ տալ, որ ահաբեկչական գործողությունների համար միջանցք ստեղծվի», - ասված է որոշման մեջ:

Թուրքական ուժերը դուրս չեն բերվի Իրաքի Բաշիքա շրջանից: Նրանք այստեղ կշարունակեն տեղական ուժերից կազմված ռազմական դիվիզիայի մարզումները: Բացի այդ, թուրքական ուժերը կշարունակեն հատուկ գործողություններ իրականացնել նաև Քանդիլում:

Աղբյուր` Ermenihaber.am