11:44, 11 Նոյեմբեր 2016
Վանում 10 օրով արգելվել են ցույցերն ու հավաքները
Վանի նահանգապետարանը հայտարարություն է տարածել, որի համաձայն նոյեմբերի 11-ից 10 օր ժամկետով նահանգում արգելվելու է անցկացնել ցանկացած տեսակի ցույցեր և երթեր: Ըստ թուրքական «Tgrthaber» լրատվական կայքի` հայտարարության մեջ նշվում է, որ նշյալ արգելքը սահմանվել է հավաքների, ցույցերի և երթերի վերաբերյալ գոյություն ունեցող օրենքի 11-րդ հոդվածի համաձայն: Ըստ այդմ` 10 օրվա ընթացքում արգելվում է հանրահավաքներ, նստացույցեր անցկացնել, ինչպես նաև վրաններ խփել և պաստառներ կախել:
Նշյալ որոշումը կայացվել է նահանգի բնակչության անվտնագության ապահովման նկատառումներով և Թուրքիայում գործող արտակարգ դրության շրջանակներում:
Հիշեցնենք, որ հուլիսի 15-ին Թուրքիայում իրականացված ռազմական հեղաշրջման փորձից հետո մայրաքաղաք Անկարայում կայացած ազգային անվտանգության խորհրդի ու դրան հաջորդած կառավարության նիստից հետո Թուրքիայի նախագահ Ռեջեփ Թայիփ Էրդողանը երկրում հայտարարել էր արտակարգ դրություն 3 ամսով: Այնուհետեև դրա լրանալուց հետո Թուրքիայի խորհրդարանի անդամները քվեարկեցին երկրում գործող արտակարգ դրությունը մինչև 2017-ի հունվարը երկարաձգելու օգտին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |