Եվրոպան կարող է տնտեսական պատժամիջոցներ կիրառել Թուրքիայի դեմ

Տարածաշրջան07:49, 14 Նոյեմբեր 2016

Եվրոպան կարող է տնտեսական պատժամիջոցներ կիրառել Թուրքիայի դեմ

Եվրախորհրդարանի նախագահ Մարտին Շուլցն անդրադարձել է Թուրքիայի նախագահ Ռեջեփ Թայիփ Էրդողանի՝ մահապատժի վերականգնման մասին հայտարարությանը: Թուրքական «Aksam» թերթը հիշեցնում է, որ Էրդողանն ասել էր, թե երկրում մահապատիժը վերականգնելու որոշումը կայացնելու են ժողովուրդը և մեջլիսը:

ԵԽ նախագահ Շուլցը զգուշացրել է, որ Թուրքիան մահապատիժը վերականգնելու դեպքում կհատի կարմիր գիծը: Ըստ Շուլցի` կդադարեցվեն Թուրքիայի Եվրամիությանն անդամակցության շուրջ բանակցությունները:

Շուլցն անդրադարձել է նաև Թուրքիայում տիրող իրավիճակին՝ ընդդիմադիր քրդամետ «Ժողովուրդների դեմոկրատական կուսակցության» (HDP-ԺԴԿ) պատգամավորների, գիտնականների և լրագրողների ձերբակալություններին: Նա նշել է, որ այս գործողությունների դեմ դիտարկվում է նաև Թուրքիայի նկատմամբ տնտեսական պատժամիջոցներ կիրառելու տարբերակը:

Թուրքական թերթը ԵԽ նախագահի խոսքերը որակել է դատարկ և Թուրքիայի համար այլևս որևէ կարևորություն չունեցող սպառնալիք:

Աղբյուր` Ermenihaber.am