Քաղաքական10:17, 16 Նոյեմբեր 2016
Թուրքիան և Իսրայելը դեսպաններ են նշանակել 6 տարվա դադարից հետո
Թուրքիայի նախագահ Ռեջեփ Թայիփ Էրդողանը հայտարարել է Իսրայելում Թուրքիայի նոր դեսպանի անունը: Թուրքական «Mynet.com» լրատվակայքի տեղեկացմամբ՝ նոր դեսպան է նշանակվել նախկին վարչապետ Ահմեթ Դավութօղլուի արտաքին քաղաքականության հարցերով խորհրդական Քեմալ Օքեմը: Վերջինս ավելի վաղ եղել է Թուրքիայի արտգործնախարարության Միջին Արևելքի վարչության փոխտնօրենը:
Էրդողանը տեղեկացրել է, որ Իսրայելում Թուրքիայի դեսպանը, ամենայն հավանականությամբ, հենց այսօր կանցնի իր պարտականությունների կատարմանը:
Իսրայելն էլ իր հերթին Անկարայում նոր դեսպան է նշանակել Լոնդոնի նախկին դեսպանի օգնական Էյթան Նաեհին: Վերջինս 1993-1997թթ. որպես արտգործնախարարության քարտուղար պաշտոնավարել է Անկարայում: Իսկ ավելի վաղ Նաեհը եղել է նաև Իսրայելի դեսպանն Ադրբեջանում:
Հիշեցնենք, որ 2010թ. թուրք 10 ակտիվիստի մահվան պատճառ դարձած Մավի Մարմարայի միջադեպից հետո Թուրքիայի և Իսրայելի դիվանագիտական հարաբերությունները ղեկավարվում էին միայն հավատարմատարի մակարդակով:
Երկու երկրների միջև կոնֆլիկտի կարգավորումը հնարավոր դարձավ 2016թ. ամռանը: Հունիսին Իսրայելի և Թուրքիայի միջև ձեռք բերված համաձայնագիրը օգոստոսի 20-ին վավերացվեց մեջլիսի, իսկ օգոստոսի 31-ին՝ նախագահ Էրդողանի կողմից:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |