Դիարբեքիրի մի քանի գյուղերում պարետային ժամ է հայտարարվել

Տարածաշրջան07:55, 29 Նոյեմբեր 2016

Դիարբեքիրի մի քանի գյուղերում պարետային ժամ է հայտարարվել

Նոյեմբերի 28-ից սկսած Թուրքիայի Դիարբեքիր նահանգի Սիլվան շրջանի 6 գյուղերում պարետային ժամ է հայտարարվել: «CNNturk» լրատվամիջոցը, վկայակոչելովվ Սիլվանի տեղական ինքնակառավարման մարմնի (ՏԻՄ) կողմից արված հայտարարությունը, նշում է, որ պարետային ժամ հայտարարվել է մասնավորապես Էսքիքյոյ, Սուսսուզ, Գյունդուզքյոյ, Օթլուք, Քարահաջը և Ուչբասամաք գյուղական համայնքներում:

Հայտարարության մեջ տեղեկացվում է, որ նշյալ քայլն արվում է «Քուրդիստանի բանվորական կուսակցության» (ՔԲԿ-PKK) զինյալների դեմ գործողություններ իրականացնելու, ինչպես նաև շրջանի անվտանգությունը, խաղաղությունը և հասարակական կարգն ապահովելու նպատակով:

Պարետային ժամը կշարունակվի այնքան ժամանակ, մինչև շրջանի ղեկավարության կողմից հավելյալ ծանուցում լինի:

Նշենք, որ պարետային ժամ հայտարարելը նշանակում է, որ քաղաքացիներն առանց հատուկ անհրաժեշտության ու թույլտվության փողոց դուրս գալու իրավունք չունեն:

Աղբյուր` Ermenihaber.am